SAZİŞ PARLAMENTDƏ TƏSDİQLƏNƏCƏK
“Azərbaycan Respublikası Hökuməti ilə İran İslam Respublikası Hökuməti arasında təhlükəsizlik və hüquq mühafizə fəaliyyəti sahəsində əməkdaşlıq haqqında” Saziş layihəsi təsdiqlənmək üçün Milli Məclisin müzakirəsinə tövsiyə olunmuşdur.
Milli Məclis sədrinin müavini, təhlükəsizlik və müdafiə məsələləri daimi komissiyasının sədri Ziyafət Əsgərov AZƏRTAC-a demişdir ki, bu saziş ölkələrimiz arasında yaxın qonşuluq və dostluq əlaqələrinin daha da inkişafına, qarşılıqlı surətdə hər iki dövlətin suverenliyinə, ərazi bütövlüyünə, öz ölkələrində təhlükəsizliyin etibarlı qorunması ücün həyata keçirilən hüquq-mühafizə tədbirlərinin səmərəliliyinin yüksəldilməsinə xidmət edir. Sənədə əsasən tərəflər insan həyatına, sağlamlığına, hüquq və azadlığına, ləyaqətinə qarşı cinayətlərlə mübarizədə, narkotik və psixotrop maddələrin, həmçinin onların hazırlanması prosesində istifadə olunan prekursorların qanunsuz dövriyyəsi ilə mübarizədə və digər sahələrdə birgə əməkdaşlıq edəcəklər.
Bölmənin digər xəbərləri
