İQTİSADİYYAT
SƏBAİL RAYONUNDA YENİ İŞ YERLƏRİ AÇILMIŞDIR
Səbail Rayon İcra Hakimiyyətindən AZƏRTAC-a bildirmişlər ki, 2003-cü ilin oktyabrından 2007-ci il yanvarınadək rayonun müəssisə, idarə və təşkilatları tərəfindən 19 min 963 iş yeri açılmışdır ki, onların da 19 min 126-sı daimidir. İş yerlərinin 10,2 faizi sənaye, 18,3 faizi tikinti, 19,3 faizi ticarət, 7,8 faizi nəqliyyət və rabitə, 18,8 faizi sosial, 25,6 faizi digər sahələrin payına düşür.
ARDNŞ Sosial Xidmətlər İdarəsi, “Azəristiliktəchizat” ASC, “Baksell LTD” MMC, “Avropa” firması, “Baku kargo Terminal” MMC-i, “Nobel Oil LTD” Azərbaycan filialı, “Bayıl Limanı” Dəniz Kəşfiyyat Qazma İdarəsi, “DET. ALL. Limited” Azərbaycan nümayəndəliyi və digər şirkətlər keçən il ərzində daha çox iş yerləri açmışlar.