SƏDDAM HÜSEYN ETİRAZ EDİR
Səddam Hüseynin vəkillər komandası sabiq ölkə başçısının və ən yaxın silahdaşlarının mühakiməsi üçün xüsusi tribunalın legitimliyinə şübhəsini bildirmiş və iclas salonundakı yerlərini tərk etmişdir.
Prosesin əvvəlində ittiham nümayəndələri demişlər ki, əcnəbi vəkillərin məhkəmədə olması qanunsuzdur. Lakin hakim Rizkar Əmin xatırlatmışdır ki, xüsusi tribunal haqqında qanunun müddəalarından birində şərt qoyulmuşdur ki, vəkillər komandasına iraqlı başçılıq edərsə, onun tərkibinə başqa dövlətlərin vətəndaşları da daxil ola bilərlər. Beləliklə, Səddam Hüseynin müdafiəsinə iraqlı hüquqçu Xəlil Əd-Dleyminin rəhbərlik etdiyi nəzərə alınarsa, ittihamın əcnəbiləri bayıra çıxarmaq tələbi qanuna ziddir. Səddam Hüseynin vəkilləri arasında ABŞ-ın keçmiş ədliyyə naziri Remzi Klark və onun qətərli həmkarı Nəcib ən-Nueymi də var.
Bölmənin digər xəbərləri
