SƏDDAM HÜSEYN SAĞDIRMI?

21.07.2003 [15:17]
Çap et
A⁺ A^-

Hər halda, ABŞ-ın İraqdakı müvəqqəti inzibati orqanının başçısı Pol Bremerin dediyinə görə, Səddam Hüseyn sağdır və İraq ərazisindədir. AZƏRTAC-ın müxbirinin Vaşinqtondan verdiyi xəbərə görə, Bremer “Foks”, Si-Bi-Es və En-Bi-Es teleşirkətlərinə müsahibəsində bildirmişdir ki, sabiq İraq prezidenti ölkədə olsa da, hər gün ABŞ hərbi qulluqçularına basqınlar edilməsinin təşkili ilə məşğul olmur.

Bremerin fikrincə, Səddam Hüseyn nə qədər tez məhv edilsə, bu, İraqda vəziyyətin normal məcraya düşməsinə bir o qədər çox imkan yaradar. Taleyinin hələlik dəqiq məlum olmaması faktı onun tərəfdarlarını müqavimət göstərməyə ruhlandırır.

Diplomat ABŞ qoşunlarının İraqda hələ nə qədər qalacağı barədə suala dəqiq cavab verməmiş və yalnız bunu demişdir ki, hazırda onlar yeni İraq ordusu yaratmaqla məşğuldurlar.

SƏDDAM HÜSEYN SAĞDIRMI?

MÜƏLLİFLƏ ƏLAQƏ

Bölmənin digər xəbərləri