SƏDDAM HÜSEYNİN VƏKİLLƏRİNƏ BASQIN EDİLMİŞDİR

08.11.2005 [22:38]
Çap et
A⁺ A^-

AZƏRTAC İTAR-TASS-a istinadla xəbər verir ki, məhkəmədə Səddam Hüseynin mənafelərini təmsil edən iki vəkilin və onun yaxın ətrafının bir neçə nümayəndəsinin getdiyi avtomobil noyabrın 8-də Bağdadda atəşə tutulmuşdur. Nəticədə bir vəkil həlak olmuş, digəri isə yaralanmışdır.

Bundan bir gün əvvəl sabiq İraq prezidentinin müdafiəçilərindən bir qrupu bəyanat yayaraq, təhlükəsizliyi təmin olunmadığına və daim hədələndiyinə görə məhkəmə ilə əməkdaşlıqdan imtina etdiyini bildirmişdir. Buna Səddamın vəkili Səədun əl-Cənabinin qətlə yetirilməsi səbəb olmuşdur. O, Səddamın və onun keçmiş ətrafının məhkəməsi başlandıqdan bir gün sonra öldürülmüşdür. Əl-Cənabi oktyabrda Bağdaddakı ofisində oğurlanmış və tezliklə onun paytaxt rayonlarından birində meyiti tapılmışdır.

SƏDDAM HÜSEYNİN VƏKİLLƏRİNƏ BASQIN EDİLMİŞDİR

MÜƏLLİFLƏ ƏLAQƏ

Bölmənin digər xəbərləri