SƏFƏR BAŞA ÇATDI
AZƏRTAC-ın xüsusi müxbiri xəbər verir ki, Səudiyyə Ərəbistanının Kralı Fəhd bin Əbdüləziz Al Səudun dəfn mərasimində iştirak edən Azərbaycan Prezidenti İlham Əliyevin Ər-Riyada səfəri başa çatmışdır.
Dövlətimizin başçısı İlham Əliyevi Ər-Riyad hava limanında Səudiyyə Ərəbistanı Kralının rəsmi nümayəndəsi Abdullah əl-Şuvair və digər rəsmi şəxslər böyük hörmətlə yola saldılar.
Abdullah əl-Şuvair Azərbaycan Prezidentinə Səudiyyə Ərəbistanına gəldiyinə və Fəhd bin Əbdüləziz Al Səudun dəfn mərasimində iştirak etdiyinə görə Kral ailəsi adından təşəkkürünü bildirdi.
X X X
Prezident İlham Əliyev avqustun 2-də axşam Bakıya qayıtdı. Azərbaycan Prezidentini Heydər Əliyev adına beynəlxalq hava limanında Baş nazir Artur Rasizadə, Prezidentin İcra Aparatının rəhbəri Ramiz Mehdiyev və Bakı Şəhər İcra Hakimiyyətinin başçısı Hacıbala Abutalıbov qarşıladılar.
Bölmənin digər xəbərləri
