RƏSMİ XRONİKA
SƏFƏR BAŞA ÇATDI
Türkdilli dövlətlərin və topluluqların 10-cu dostluq, qardaşlıq və əməkdaşlıq qurultayında iştirak etmək üçün Türkiyədə səfərdə olan Azərbaycan Respublikasının Prezidenti İlham Əliyev sentyabrın 19-da Vətənə qayıtmışdır.
Antalyanın hava limanında dövlətimizin başçısının şərəfinə fəxri qarovul dəstəsi düzülmüşdü.
Prezident İlham Əliyevi hava limanında Antalya şəhərinin bələdiyyə başçısı Menderes Türel, digər rəsmi şəxslər səmimiyyətlə yola saldılar.
X X X
Prezident İlham Əliyev sentyabrın 19-da axşam Bakıya gəldi.
Azərbaycan Prezidentini Heydər Əliyev adına beynəlxalq hava limanında Baş nazir Artur Rasizadə, Prezidentin İcra Aparatının rəhbəri Ramiz Mehdiyev, Bakı Şəhəri İcra Hakimiyyətinin başçısı Hacıbala Abutalıbov qarşıladılar.