Şəhidlər ölməzdirlər
Bakı, 20 yanvar, AZƏRTAC
1990-cı ilin yanvarında çox dəhşətli hadisələr baş verib. Keçmiş sovet ordusu Bakıda və ölkəmizin ayrı-ayrı şəhər və rayonlarında qanlı faciələr törədib, qocaları, qadınları, uşaqları, gəncləri qanlarına qəltan edib. Mən Qara Yanvarı ürəkağrısı ilə xatırlayıram. Lakin 20 Yanvar həm də tariximizin şanlı səhifəsidir.
Bunu yanvarın 20-də Şəhidlər xiyabanına ziyarətə gələn, Şuşa 10 nömrəli tam orta məktəbin müəllimi Akif Quliyev AZƏRTAC-a müsahibəsində bildirib.
A.Quliyev deyib: “Şəhidlər ölməzdirlər, onların xatirəsi zaman-zaman könüllərdə yaşayacaq. Vətən, torpaq yolunda şəhid olmaq şərəflidir. Mən də bu gün Şəhidlər xiyabanını ziyarət edirəm, şəhidlərin xatirəsini anıram. Bu bizim hər birimizin borcudur”. O, müasir müstəqil Azərbaycanın xoşbəxt, firavan gələcəyinə inamını ifadə edib.
Bölmənin digər xəbərləri
