SƏHRALAR QURAQLAŞIR

10.06.2006 [19:48]
Çap et
A⁺ A^-

AZƏRTAC xarici KİV-lərə istinadla xəbər verir ki, qlobal istiləşmə səhraların varlığını təhlükə qarşısında qoyur. BMT-nin məlumatına əsasən, səhralara yaxın iri çaylarda iqlim dəyişmələri ilə bağlı su çatışmazlığı problemi, ilk növbədə, səhralar üçün təhlükəlidir. BMT ekspertləri Dəclə və Fərat, Rio-Qrande, Amu-Dərya və Hind çaylarını misal gətirmişlər. Onların fikrincə, yüzilliyin axırınadək yağıntıların ümumi həcmi 20 faiz azalacaq, bunun nəticəsində səhralar daha da quraqlaşacaq və oraya insan ayağı dəyməyəcəkdir.

Hazırda səhralar suya tələbatın artması, turist axını və Dünya Okeanında duzluluğun artması ilə əlaqədar əsil fəlakət dövrü yaşayır. Birləşmiş Ərəb Əmirliklərinin səhraları təkcə iqlim dəyişmələrindən deyil, həm də regionda həyata keçirilən geniş quruculuq işlərindən ziyan çəkir.

Qlobal istiləşmə üzündən səhralarda havanın temperaturu son 30 il ərzində, orta hesabla, iki dərəcə artmışdır ki, bu da hələlik Selsi ilə 0,45 dərəcəyə çatan dünya göstəricilərindən xeyli çoxdur.

SƏHRALAR QURAQLAŞIR

MÜƏLLİFLƏ ƏLAQƏ

Bölmənin digər xəbərləri