Şəkidə 29 yaşlı qadın itkin düşüb
Şəki, 12 iyul, AZƏRTAC
Şəki rayonunun Oxud kənd sakini, 1995-ci il təvəllüdlü Abidova Aygün Tahir qızı iyulun 9-da yaşadığı ünvandan çıxaraq naməlum istiqamətdə gedib və bir daha geri qayıtmayıb.
Daxili İşlər Nazirliyinin mətbuat xidmətinin Şəki regional qrupundan AZƏRTAC-ın bölgə müxbirinə verilən məlumata görə, sonuncu dəfə evdən gedərkən onun üzərində şabalıdı rəngli cins şalvar, qara rəngli köynək və qara idman ayaqqabısı olub.
Fotodakı şəxsi tanıyanlardan və barəsində məlumatı olanlardan DİN-in “102” xidmətinə, həmçinin Şəki Şəhər Rayon Polis Şöbəsinin (024) 244-25-50 şəhər və 055-628-00-84 mobil nömrələrinə zəng edərək, məlumat vermələri xahiş olunur.
Bölmənin digər xəbərləri
