Şəkidə hərəkətdə olan avtomobil yanıb
Şəki, 14 yanvar, Rasim İslamoğlu, AZƏRTAC
Yanğın hadisəsi axşam saatlarında rayonun Cumakənd kəndində baş verib.
AZƏRTAC-ın bölgə müxbiri Fövqəladə Hallar Nazirliyi Şəki rayon Dövlət Yanğından Mühafizə Hissəsinə istinadən bildirir ki, avtomobilin yanması barədə məlumat daxil olan kimi hadisə yerinə texnika və canlı qüvvə göndərilib. Məlum olub ki, yanğın 26 yaşlı Elmir Hüseynova məxsus QAZ-3110 markalı minik avtomobilində baş verib. Yanğın nəticəsində maşının yanar konstruksiyaları yanıb.
Yanğın zamanı xəsarət alan olmayıb. Yaxınlıqdakı tikililər yanğından mühafizə olunub.
Faktla bağlı araşdırma aparılır.
Bölmənin digər xəbərləri
