Şəmkirdə fərdi yaşayış evi yanıb
Şəmkir, 16 yanvar, Elcan Məmmədov, AZƏRTAC
Şəmkirdə yanğın hadisəsi baş verib.
AZƏRTAC-ın bölgə müxbiri xəbər verir ki, hadisə Şəmkir şəhərində yerləşən fərdi yaşayış evlərinin birində qeydə alınıb. Ümumi sahəsi 280 kv.m olan ikimərtəbəli səkkizotaqlı evdə anidən yanğın başlayıb.
Hadisə yerinə FHN Dövlət Yanğından Mühafizə Xidmətinin Şəmkir rayon dövlət yanğından mühafizə hissəsinin yanğınsöndürən avtomobilləri və canlı qüvvəsi cəlb olunub. Yanğın zamanı binanın yanar konstruksiyaları 250 kvadratmetr sahədə əşyaları ilə birlikdə yanıb. Hadisənin səbəbləri araşdırılır.
Bölmənin digər xəbərləri
