“Şən bəbirlər” mükafatlandırılıb
Bakı, 5 fevral, AZƏRTAC
IDEA İctimai Birliyinin (İB) noyabr ayının 3-dən start verdiyi “Şən bəbirlər” adlı ekoloji müsabiqə yekunlaşıb.
Müsabiqəyə 50-yə yaxın uşağın bəbiri və digər pişikkimiləri təsvir edən geyimlərdə çəkilmiş fotoları göndərilib.
Qurumdan AZƏRTAC-a verilən məlumata görə, münsiflər heyəti fotolar arasından ən yaxşı və yaradıcı 3 fotonu seçərək müsabiqənin qalibi elan edib. Qaliblər IDEA İB tərəfindən qiymətli hədiyyələrlə təltif olunublar.
Təltifetmə mərasimində qaliblər bildiriblər ki, müsabiqəyə hazırlaşarkən onlar bəbirlər haqqında geniş məlumat əldə ediblər, bu nadir heyvan növünün yaşayış tərzi, məskunlaşdığı ərazilər və digər xüsusiyyətləri ilə maraqlanıblar. Qeyd edilib ki, bəbir geyimlərinin hazırlanmasında bu biliklərin xüsusi rolu olub.
Uşaqlar tərəfindən yüksək maraqla qarşılanan müsabiqə Qafqaz regionunun nadir heyvan cinslərindən olan bəbirin tanıdılması və gənc nəslin biomüxtəlifliyin qorunmasına təşviq edilməsi məqsədilə keçirilib.
Bölmənin digər xəbərləri
