Şimal dənizində iki gəmi toqquşub
Bakı, 25 oktyabr, AZƏRTAC
Böyük Britaniyanın “Veriti” və Baham adaları bayrağı altında üzən “Polesye” gəmilərinin Şimal dənizində, Almaniyanın Gelqoland adasından 22 kilometr cənub-qərbdə toqquşması nəticəsində 7 nəfər itkin düşüb.
AZƏRTAC xəbər verir ki, oktyabrın 24-də baş verən qəzada bir nəfər ölüb, itkin düşənlərin axtarışı davam edir.
İspaniyaya istiqamət götürən 190 metrlik “Polesye” yük gəmisi hələ də üzmə qabiliyyətindədir. Göyərtədə 22 nəfərin olması ehtimal edilir.
Suyun aşağı temperaturda olmasına rəğmən xilasedicilər itkin düşən şəxsləri salamat tapmağa ümid edirlər.
Bu rayonda hava çox küləklidir. Almaniyanın aparıcı və nüfuzlu qəzetlərindən biri olan “Frankfurter Allgemeine”nin məlumatına görə, küləyin gücü Bofort şkalası üzrə altıncı səviyyəyə çatır, dalğaların hündürlüyü üç metrə yaxındır. Hadisə baş verən yerdə xilasedici gəmilər və helikopterlər işləyir.
Xilasedici xidmətin rəhbəri və İsveç dəniz xilasediciləri cəmiyyətinin kapitanı Adam Qoll-Rasmussenin sözlərinə görə, gəmi qəzasına bir neçə amil, o cümlədən əlverişsiz hava və erkən saatlarda pis görünmə dərəcəsi səbəb ola bilər.
MÜƏLLİFLƏ ƏLAQƏ
Bölmənin digər xəbərləri
- 18.11.2026 [18:41]
Böyük Britaniyanın yenidən Avropa İttifaqına üzvlüyünə dair çağırış edilib
- 18.11.2026 [17:39]
Avropa Mərkəzi Bankı avrozonada maliyyə riskləri ilə bağlı xəbərdarlıq edib
- 18.11.2026 [17:29]
Macarıstanın xalis sıfır emissiya hədəfi 48 milyard avroya başa gələ bilər
- 18.11.2026 [17:09]