Şirvanda avtomobil məktəblini vurub
Şirvan, 19 dekabr, Aydın Yavərzadə, AZƏRTAC
Şirvanda yol nəqliyyat hadisəsi baş verib. Məktəbli piyadanı avtomobil vurub.
Daxili İşlər Nazirliyinin mətbuat xidmətinin Şirvan regional qrupundan AZƏRTAC-ın bölgə müxbirinə bildirilib ki, yol-nəqliyyat hadisəsi bu gün saat 17 radələrində Şirvan şəhər ərazisində baş verib. Roman Mehdiyev idarə etdiyi “VAZ-2107” markalı nəqliyyat vasitəsilə hərəkətdə olan zaman məktəbli Adilə Əliyevanı vurub. Müxtəlif dərəcəli bədən xəsarətləri alan məktəbli xəstəxanaya yerləşdirilib.
Xəstəxanadan verilən məlumata görə, onun vəziyyəti stabildir.
Faktla bağlı Şirvan ŞPŞ-də araşdırmalar aparılır.
Bölmənin digər xəbərləri
