Siyəzən şəhərində yeni park salınır
Siyəzən, 23 fevral, Elxan Yusifli, AZƏRTAC
Siyəzən şəhərində Ulu Öndər Heydər Əliyevin 100 illik yubileyi münasibətilə yeni parkın inşasına başlanılıb.
AZƏRTAC-ın bölgə müxbiri xəbər verir ki, sakinlərin asudə vaxtlarının səmərəli təşkili məqsədilə salınan parkın ərazisi 1600 kvadratmetrdir.
Heydər Əliyev və Zərifə Əliyeva küçələrinin kəsişməsində yerləşən ərazidə inşa edilən istirahət mərkəzi müasir layihə əsasında tikilir.
Parkın ərazisi yaşıllaşdırılacaq, müasir işıqlandırma sistemi qurulacaq. Ərazidə söhbətgahlar tikiləcək, uşaqların əyləncəsi üçün attraksionlar quraşdırılacaq.
Parkın may ayında istifadəyə verilməsi nəzərdə tutulub.
Bölmənin digər xəbərləri
