ŞOKOLAD SAXTA DƏRMANDIR
AZƏRTAC xəbər verir ki, qara şokoladın insan sağlamlığına şəksiz faydalı olduğu faktını artıq çoxdan bəri heç kim şübhə altına almamışdır. Eyni vaxtda bir neçə elmi tədqiqat göstərmişdir ki, şokolad hipotoniya (təzyiqin aşağı olması), yorğunluq, pis əhval-ruhiyyə kimi halların öhdəsindən gələ bilir, həm də sadəcə olaraq, bütövlükdə ürək-damar sistemi üçün faydalıdır. Bütün bu müsbət keyfiyyətlər kompleksini şokolada onun tərkibindəki iki maddə - serotonin və flavonoidlər bəxş edir.
Lakin lap bu yaxınlarda Britaniyanın “Lancet” tibb jurnalında ölkənin bütün şokoladsevərlərini dəhşətə gətirən bir məqalə dərc edilmişdir. Məlum olmuşdur ki, yediyimiz şokoladda, bir qayda olaraq, bir qram da faydalı maddə yoxdur. Şokoladı yeməklə biz yalnız artıq kalorilər, yağlar və “boş” karbohidratlar alırıq.
Tədqiqat satışda olan və dünyanın ən iri şokolad firmaları tərəfindən buraxılan şokoladın tərkibinin öyrənilməsinə əsaslanmışdır.
İş burasındadır ki, əhval-ruhiyyəni və ürəyin işini normallaşdıran faydalı birləşmələrdən ibarət flavonoidlər kakaoya çox acı dad verir. İnsanların əksəriyyəti isə südlü şokoladı acı şokoladdan üstün tutaraq, güman edir ki, onların elə də böyük fərqi yoxdur.
Bölmənin digər xəbərləri
