Son 24 saatda Pakistanda koronavirusdan 34 nəfər həyatını itirib
İslamabad, 12 noyabr, AZƏRTAC
Son günlərdə Pakistanda COVID-19 infeksiyasına yoluxanların sayı kəskin şəkildə artıb. Belə ki, son 24 saatda bu virusa 1808 nəfər yoluxub, belə xəstələrin sayı 349 min 992 nəfərə çatıb.
AZƏRTAC Pakistan mətbuatına istinadla xəbər verir ki, son gün ərzində COVID-19-dan 34 xəstə ölüb, həyatını itirənlərin ümumi sayı 7 min 21 nəfər olub.
Qeyd edilir ki, xəstəxanalarda 22 min 88 pasiyent var, onların 1164-nün vəziyyəti ağırdır.
Pandemiya dövründə 320 min 849 xəstənin sağaldığı bildirilir.
Qulu Kəngərli
AZƏRTAC-ın xüsusi müxbiri
İslamabad
Bölmənin digər xəbərləri
