ŞRİ-LANKADA ÇAY HOTELİ AÇILACAQDIR
AZƏRTAC xarici KİV-lərə istinadla xəbər verir ki, bu ilin dekabrında Şri-Lankada çay hoteli açılacaqdır. Hotel çay fabrikinin yenidən qurulmuş binasında yerləşəcəkdir. Bu layihə çay istehsalı ilə məşğul olan Dilmah şirkətinə məxsusdur. “Çay fabriki” adlandırılacaq hotelin interyerində köhnə istehsalatın bəzi elementləri saxlanılacaqdır. “Çay fabriki”ndə 57 nömrə nəzərdə tutulmuşdur. Burada qonaqlara müxtəlif sağlamlaşdırma prosedurları təklif edən SPA-mərkəz fəaliyyət göstərəcəkdir. Həmin prosedurların əksər hissəsi çay, yaxud çay əsasında hazırlanmış preparatlarla bağlı olacaqdır.
Bölmənin digər xəbərləri
