SUMQAYIT AĞSAQQALININ YUBİLEYİ
Görüşdə şəhər ictimaiyyətinin nümayəndələri iştirak etmişlər.
İcra hakimiyyətinin başçısı Vaqif Əliyev yubilyarın həyat yolundan, ictimai-siyasi fəaliyyətindən söhbət açmışdır. Bildirilmişdir ki, M.Gülümov bir sıra yüksək vəzifələrdə çalışmış, şəhər sovetinin deputatı seçilmişdir. V.Əliyev Şəhər Ağsaqqallar Şurasının fəaliyyətini də yüksək qiymətləndirərək, gənclərin vətənpərvərlik ruhunda tərbiyə edilməsində onun müsbət rolunu vurğulamışdır.
Görüşdə iştirak edən tanınmış adamlar, veteranlar, ağsaqqallar xatirələrini danışmış, yubilyarla birlikdə işlədikləri illərdən söhbət açmışlar.
Müzənfər Gülümovun şərəfinə şəhər bələdiyyəsində də görüş keçirilmiş, onun xidmətləri yüksək qiymətləndirilmişdir.
Yubilyara gül-çiçək dəstələri və hədiyyələr təqdim olunmuşdur.
