SUMQAYITDA BÖYÜK YARMARKA KEÇİRİLMİŞDİR
Üzeyir Hacıbəyov adına kimyaçıların Mədəniyyət sarayının qarşısındakı meydanda təşkil olunmuş yarmarkada ölkənin 40 şəhər və rayonundan 200-ə yaxın sahibkar sumqayıtlılara kənd təsərrüfatı məhsullarının, habelə xalq istehlakı mallarının geniş çeşidini təqdim etmişdir.
İstehsalçı firmalar malları özləri satdığından qiymətlər bazardakından 10-15 faiz aşağı idi.
Şəhərin bədii özfəaliyyət kollektivləri də tədbirdən kənarda qalmayaraq, bu aksiyanı dəstəkləmişlər.
Bu, respublikada keçirilən 3-cü satış-yarmarkadır. Əvvəlki yarmarkalar Bakıda və Gəncədə keçirilmişdir.
İqtisadi inkişaf naziri Fərhad Əliyev və icra hakimiyyətinin başçısı Vaqif Əliyev yarmarkaya gətirilmiş malların keyfiyyəti və qiymətləri ilə tanış olmuşlar.
