SVANETİ CİNAYƏTKAR ÜNSÜRLƏRDƏN TƏMİZLƏNƏCƏKDİR

11.09.2003 [18:40]
Çap et
A⁺ A^-

Pankisi dərəsində antiterror əməliyyatını uğurla başa çatdıran Gürcüstanın güc strukturlarının əməkdaşları başqa bölgəyə - yüksək dağlıq Svanetiyə istiqamət götürməli olmuşlar. Buna səbəb son vaxtlar burada zorakılıq, oğurluq, quldurluq və digər cinayətlərdən cana doymuş əhalinin təsirli tədbirlər görülməsi üçün ölkə iqtidarına müraciət etməsidir.

Gürcüstanın Milli Təhlükəsizlik Şurasında məsələyə baxılmış və Svanetini cinayətkar ünsürlərdən təmizləmək üçün buraya xüsusi dəstənin göndərilməsi qərara alınmışdır. Xüsusi dəstə artıq Mestia rayonu ərazisinə daxil olmuşdur.

Yerli sakinlər rayona gələn Gürcüstanın daxili işlər naziri Koba Narçemaşvili ilə görüşdə burada genişmiqyaslı xüsusi əməliyyat aparılmasını müsbət qarşılamışlar. Nazir bildirmişdir ki, əməliyyat başa çatdıqdan sonra çevik polis qrupları rayonda qalacaq və vəziyyətə nəzarət edəcəklər.

SVANETİ CİNAYƏTKAR ÜNSÜRLƏRDƏN TƏMİZLƏNƏCƏKDİR

MÜƏLLİFLƏ ƏLAQƏ

Bölmənin digər xəbərləri