TAXIL BİÇİNİNƏ BAŞLANDI
Bir neçə gündür ki, Zərdab rayonunda taxıl biçininə başlanmışdır. Ötən təsərrüfat ilində 7987 hektar sahədən 19939 ton məhsul istehsal edən zərdablılar cari ildə 9612 hektarda bol taxıl yetişdirmişlər. Rayon icra hakimiyyəti başçısının aqrar məsələlər üzrə müavini Tofiq Abdullayev AZƏRTAC-ın müxbirinə bildirmişdir ki, biçinə 40-dək kombayn cəlb edilmişdir. Rayonun Körpükənd, Gəlmə, İsaqbağı, Pərvanlı, Bəyimli ərazi bölgələrində məhsul yığımı daha uğurla davam etdirilir. İlkin nəticələr uğurludur. Arpa zəmilərindən orta hesabla 23-24 sentner məhsul götürülür. Mütəxəssislərin rəyinə görə rayon üzrə 24 min tondan çox taxıl əldə olunacağı gözlənilir.
Bölmənin digər xəbərləri
