TAXIL BOL OLMUŞDUR
Bərdə Ərazi Kənd Təsərrüfatı İdarəsindən AZƏRTAC-ın müxbirinə bildirmişlər ki, idarənin əhatə etdiyi rayonlarda taxıl biçini müvəffəqiyyətlə başa çatdırılmış, nəzərdə tutulduğundan xeyli çox məhsul yığılmışdır. Bərdə taxılçıları 19.551 hektar sahənin məhsulunu toplamış, hər hektardan orta hesabla 33,5 sentner məhsul götürmüşlər. Rayonda 63. 350 ton taxıl istehsal olunmuşdur ki, bu da ötən ildəkindən 10 min ton çoxdur. Ağdamda hər hektardan 31,5 sentner, Ağcabədidə 29,1 sentner, Tərtərdə 28 sentner, Füzulidə 23 sentner, Beyləqanda 33 sentner, İmişlidə 30,1 sentner məhsul toplanmışdır. İdarənin əhatə etdiyi rayonlarda 98. 610 hektar zəminin məhsulu biçilmiş, 299. 755 ton taxıl əldə edilmişdir. Hər hektardan orta hesabla 30,4 sentner məhsul götürülmüşdür.
Bölmənin digər xəbərləri
