TAXIL ƏKİNİ BAŞLANDI
Bu günlər Cəlilabad çöllərinə çoxlu texnika çıxarılmışdır. Hələlik payız əkini üçün 38,5 min hektar sahə şumlanmışdır. Əlverişli hava şəraitindən istifadə edən ayrı-ayrı taxılçılar əkinə başlamışlar. İlkin olaraq sahələrə arpa toxumu səpilir.
Rayonun əkinçiləri bu il həmişəkindən xeyli çox - 115 min tondan artıq taxıl toplamış, rekord miqdarda - 76,5 min ton kartof istehsal etmişlər. İlin sonuna qədər daha min tonlarla kartof yığılacaqdır.
Ötən yaz 20 hektar sahədə nümunəvi üzüm plantasiyası salınmışdır. Alar kəndinin iş adamları daha 20 hektara yaxın sahədə üzüm bağları salmaq məqsədi ilə yüksək keyfiyyətli plantaj şumu qaldırmışlar.
Bölmənin digər xəbərləri
