Tbilisidə iri bazarda yanğın baş verib
Tbilisi, 12 fevral, AZƏRTAC
Bu gün axşamüstü Tbilisinin Didube rayonu ərazisindəki iri ticarət mərkəzlərindən biri olan "Eliava" bazarında güclü yanğın baş verib.
Gürcüstan Daxili İşlər Nazirliyinin Fövqəladə Halların İdarə Olunması Mərkəzinin 20-yə yaxın yanğınsöndürmə briqadası hadisə yerinə cəlb olunub. Bazarın əsas taxta və digər tikinti materialları anbarından başlayan yanğın nəticəsində xəsarət alan olmayıb.
Yanğının başvermə səbəbləri araşdırılır.
Bazarda əsasən avtomobil ehtiyat hissələri, tikinti materialları satılır.
Qeyd edək ki, Tbilisidə bundan əvvəl "Lilo" ticarət mərkəzində də güclü yanğın baş vermişdi.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
