TƏCRİDXANADA MONİTORİNQ KEÇİRİLMİŞDİR
Azərbaycan Respublikası Ədliyyə Nazirliyi Məhkəmə Qərarlarının İcrası Baş İdarəsinin mətbuat xidmətindən AZƏRTAC-a bildirmişlər ki, ölkəmizin penitensiar sistemində islahatlara yardım və nəzarəti həyata keçirən ictimai şuranın növbəti monitorinqi keçirilmişdir. Monitorinq 3 nömrəli Şüvəlan istintaq təcridxanasında aparılmışdır.
İctimai şuranın üzvləri təcridxanada uşaqlar və qadınlar üçün yeni yaradılmış korpusu gəzmiş, onların saxlanılma və digər şəraiti ilə tanış olmuşlar. Burada təşkil olunmuş kompüter və televizor otaqları şura üzvlərində dərin razılıq hissi doğurmuşdur. Onlar təcridxanada saxlanılan 45 qadın və 26 uşağın bir çoxu ilə söhbət etdikdən sonra saxlanılanların problemlərini təcridxananın rəhbərliyi ilə müzakirə etmişlər.
Bölmənin digər xəbərləri
