TƏHLÜKƏLİ CİNAYƏTKAR TUTULMUŞDUR

06.10.2006 [21:40]
Çap et
A⁺ A^-

AZƏRTAC-ın xüsusi müxbiri xəbər verir ki, Azərbaycan DİN-in Baş Cinayət Axtarışı İdarəsinin və Rusiya DİN-in Cinayət Axtarışı Departamentinin Moskvada birgə əməliyyat tədbirləri nəticəsində insan oğurluğu ilə məşğul olan və 2000-ci ildən axtarılan cinayətkar həbs edilmişdir. Bunu AZƏRTAC-ın müxbirinə MDB Mütəşəkkil Cinayətkarlıqla Mübarizə Bürosunda Azərbaycan DİN-in səlahiyyətli nümayəndəsi, polis polkovniki Vaqif Şərifov bildirmişdir.

Həbs edilən şəxs Azərbaycanın Cəlilabad rayonunun sakini Ələddin Məmmədovdur. Onu ölkəmizin hüquq mühafizə orqanlarının nümayəndələri və onların rusiyalı həmkarları “Beşbarmaq” restoranında yaxalanmışdır. V.Şərifov demişdir ki, Ə.Məmmədovun üstündən saxta Rusiya pasportu və odlu silah tapılmışdır. O, Azərbaycan Respublikası Cinayət Məcəlləsinin 146-cı maddəsi (“adam oğurluğu”) və 120-ci maddəsi (“qanunsuz odlu silah saxlamaq”) üzrə təqsirli sayılır. Zəruri prosedurlardan sonra Ə.Məmmədov Azərbaycana ekstradisiya olunacaqdır.

TƏHLÜKƏLİ CİNAYƏTKAR TUTULMUŞDUR

MÜƏLLİFLƏ ƏLAQƏ

Bölmənin digər xəbərləri