TƏHSİL NAZİRLİYİNDƏ GÖRÜŞ OLMUŞDUR
Təhsil Nazirliyindən AZƏRTAC-ın müxbirinə bildirmişlər ki, YUNİSEF-in ölkəmizdəki nümayəndəliyinin əvvəlki rəhbəri Akif Saatçıoğlunun təhsilimizin inkişafı üçün gördüyü işlərdən söhbət açan nazir, bu sahədə aparılan işlərin xanım Hana Singer tərəfindən də uğurla davam etdiriləcəyinə əmin olduğunu bildirmişdir.
Xanım Hana Singer əməkdaşı olduğu təşkilatın Azərbaycanda fəaliyyətini daha da genişləndirmək məqsədində olduğunu diqqətə çatdırmışdır.
O, eyni zamanda, İmişli, Sabirabad rayonlarındakı çadır şəhərciklərində məskunlaşmış qaçqın və məcburi köçkün ailələrindən olan uşaqların vəziyyəti ilə yaxından tanış olduğunu bildirərək, öz fəaliyyəti dövründə onlara xüsusi diqqət göstərəcəyini söyləmişdir.
Sonra birgə fəaliyyət istiqamətləri ilə bağlı müzakirələr aparılmışdır.
Bölmənin digər xəbərləri
