TERROR TƏŞKİLATINA ZƏRBƏ
Bakı, 27 iyul (AZƏRTAC). Anadolu Agentliyinin verdiyi məlumata görə, İstanbul Əmniyyət Müdirliyi və Milli İstikbarat Təşkilatının ölkədə qeyri-qanuni fəaliyyət göstərən Hizbut-Tahrir təşkilatına qarşı apardığı birgə əməliyyatlar nəticəsində iyirmisi İstanbuldan olmaqla 165 nəfər saxlanılmışdır.
Tutulanlardan ikisi dindirildikdən sonra sərbəst buraxılmış, 18 nəfər barədə iş İstanbul ədliyyəsinə göndərilmişdir.
21 rayonda aparılan əməliyyatlar zamanı tutulanların evlərində, iş yerlərində və üstlərində axtarışlar aparılmış, 1 ədəd “Kalaşnikov” avtomatı, 2 tapança, 157 fişəng, üzərində “Tək ümmət, tək dövlət” sözləri yazılmış 540 qısaqol köynək, 1634 xilafət bayrağı, xilafət dövlətinin xəritəsi, təşkilata aid sənədlər və kitablar ələ keçirilmişdir.
Bölmənin digər xəbərləri
