TERRORÇULARLA DANIŞIQLAR DAVAM EDİR

02.09.2004 [13:36]
Çap et
A⁺ A^-

AZƏRTAC-ın xəbər verdiyi kimi, sentyabrın 1-də Şimali Osetiyanın Beslan şəhərində silahlı quldurlar 1 nömrəli orta məktəbi ələ keçirmişlər. Hadisə zamanı məktəbdə 400-ə yaxın adam, o cümlədən 200 məktəbli, onların valideynləri və müəllimlər olmuşdur.

Şimali Osetiyanın daxili işlər naziri Kazbek Dzantiyev bildirmişdir ki, terrorçularla danışıqlar gecədən xeyli keçənədək davam etmişdir. Rusiyanın tanınmış həkimi Leonid Roşal da danışıqlarda iştirak etmək üçün buraya gəlmişdir.

Nazirin sözlərinə görə, gecə saat 3-ə yaxın quldurlar rabitəni kəsmiş və mobil telefonu qapamışlar. Terrorçular məktəbi tərk etmək üçün onlara təklif olunmuş “dəhlizdən” imtina etmiş və yalnız Aslanbek Aslaxanovla, Aleksandr Dzasoxovla, Murat Zyazikovla və həkim Leonid Roşalla danışıqlar aparacaqlarını bildirmişlər.

TERRORÇULARLA DANIŞIQLAR DAVAM EDİR

MÜƏLLİFLƏ ƏLAQƏ

Bölmənin digər xəbərləri