TƏRTƏRDƏ BƏRPA İŞLƏRİ DAVAM EDİR
Azərbaycan Respublikası Ərazilərinin Bərpası və Yenidən Qurulması üzrə Agentlikdən AZƏRTAC-a verilən məlumata görə, ən çox dağıntıya məruz qalmış Tərtər rayonu ərazisində indiyədək BMT-nin Qaçqınların İşləri üzrə Ali Komissarlığının himayəsi ilə 600 ev bərpa olunmuşdur. Bundan əlavə, 15 orta məktəb, 2 xəstəxana, 12 kənd həkim məntəqəsi, Tərtər və Naftalan şəhərinin içməli su obyektləri, 108 artezian quyusu, 100 kilometr uzunluğunda elektrik xətləri, 24 yardımçı transformator stansiyası istismara verilmiş, 8 məktəb mebellə təchiz olunmuş, 23 kilometrlik Sol sahil kanalı bərpa edilmişdir. Dünya Bankının kreditindən qənaət olunmuş vəsait hesabına Tərtər yardımçı elektrik stansiyasında ikinci transformator quraşdırılacaq və 24 subartezian quyusu bərpa olunacaq, həmçinin əlavə 1500 hektar torpağın su təchizatı təmin olunacaqdır.
Bölmənin digər xəbərləri
