TEXASDA CORC BUŞUN EV-MUZEYİ AÇILMIŞDIR
AZƏRTAC xarici KİV-lərə istinadla xəbər verir ki, Texas ştatının Midlend şəhərində ABŞ-ın hazırkı Prezidenti Corc Buşun uşaqlıq illərini keçirdiyi ev-muzeyin təntənəli açılışı mərasimi olmuşdur. Mərasimdə təxminən 800 adam, o cümlədən Prezidentin xanımı Lora Buş, habelə valideynləri - ABŞ-ın sabiq prezidenti ata Corc Buş və xanımı Barbara Buş iştirak etmişlər. Ev-muzey rəsmən “Corc Buşun uşaqlıq illəri” adlandırılmışdır. Gözlənilir ki, muzeyə hər il 30-50 min adam gələcəkdir.
Midlendin sabiq meri Robert Berns demişdir ki, şəhərin hakimiyyət orqanları yerli beynəlxalq hava limanına oğul Corc Buşun adını vermək, yaxud şəhər ətrafındakı dairəvi yolun bir hissəsini “Buş prospekti” adlandırmaq imkanlarını müzakirə etmişlər.
Bölmənin digər xəbərləri
