ELM VƏ TƏHSİL
Texniki Universitetin tələbələri “Aselsan-Bakı”da təcrübə proqramı keçirlər
Bakı, 25 dekabr, AZƏRTAC
Azərbaycan Texniki Universitetinin (AzTU) əməkdaşları “Aselsan-Bakı”da təcrübə proqramı keçən tələbələrin iş prosesini izləmək məqsədilə şirkətdə olublar.
AzTU-dan AZƏRTAC-a bildirilib ki, “Aselsan-Bakı” şirkətinin direktoru Özgür Kürüm tələbələrin nəzəri biliklərinin yüksək olduğunu və onların səriştəəsaslı dual təlimi yaxşı qavradıqlarını deyib. Şirkət rəhbəri gələcəkdə təcrübə proqramı üçün tələbələrin sayının artırılmasına ehtiyac olduğunu da diqqətə çatdırıb.
Qeyd edək ki, “Aselsan-Bakı”nın qurucusu Türkiyə hərbi sənaye kompleksinin lokomotivi olan “Aselsan” şirkətidir. Şirkət Azərbaycanda 1998-ci ildə dövlət qeydiyyatından keçib.