TİBB XƏBƏRLƏRİ

05.10.2004 [21:02]
Çap et
A⁺ A^-

AZƏRTAC-in xarici informasiya agentliklərindən aldığı xəbərə görə, Vioks ağrıkəsən dərmanı dünyanın 80 ölkəsində apteklərdən yığışdırılacaqdır. ABŞ-ın qida məhsulları və dərman preparatları idarəsinin apardığı tədqiqatlar nəticəsində məlum olmuşdur ki, 18 ay və daha çox müddət ərzində bu dərmanı qəbul edən xəstələrdə ürəktutma riski xeyli artır.

2003-cü ildə dünyada 2,5 milyard dollarlıq Vioks dərmanı satılmışdır.

X X X

Çin alimləri Sintszyan-Uyğur Müxtar rayonundakı yarımsəhra Xetyan bölgəsində yaşayan heyvandarların uzunömürlülüyünün sirrini illərdən bəri öyrənməyə çalışmışlar. Tədqiqatın nəticələri göstərmişdir ki, maldarların sərhədyanı quraqlıq zolaqda yaşamasına baxmayaraq, uzun müddət sədokimilər fəsiləsindən olan “dayun” adlı xüsusi otla qidalanması onlara güclü həyat enerjisi verir. Bu otu ”səhra jenşeni” də adlandırırlar.

Dayun bitkisi səhhəti möhkəmləndirən, ömrü uzadan və immun sistemini tənzimləyən elementlərlə zəngindir. İnsanlar həmin bitkinin faydası barədə azı 2 min il bundan əvvəl məlumata malik idilər.

TİBB XƏBƏRLƏRİ

MÜƏLLİFLƏ ƏLAQƏ

Bölmənin digər xəbərləri