TONİ BLEYER İSTEFA VERMƏLİDİR?
AZƏRTAC-ın İTAR-TASS agentliyindən aldığı xəbərdə deyilir ki, britaniyalıların çoxunun fikrincə, Birləşmiş Krallığın Baş naziri Toni Bleyer İraqın təhlükə doğurduğu barədə yalan məlumatına görə istefaya getməlidir. Böyük Britaniya Milli Sosial Tədqiqatlar Xidmətinin keçirdiyi sorğunun nəticələrinə görə, respondentlərin 51 faizi əmindir ki, Toni Bleyer vəzifəsini tərk etməlidir. Sorğu iştirakçılarının 35 faizi isə bunun əleyhinədir.
Yerli təhlilçilərin fikrincə, Britniya hökumətinin başçısı üçün belə xoşagəlməz statistika göstərir ki, İraq müharibəsi və onun nəticələri Böyük Britaniyanın siyasi həyatına hələ uzun müddət təsir göstərəcəkdir.
Bölmənin digər xəbərləri
