Topdansatış ticarət dövriyyəsi azalıb
Bakı, 23 noyabr, AZƏRTAC
Cari ilin 9 ayında 2019-cu ilin eyni dövrü ilə müqayisədə topdansatış ticarət dövriyyəsi 4,2 faiz azalaraq 18 milyard 228,7 milyon manata bərabər olub.
Dövlət Statistika Komitəsindən AZƏRTAC-a bildirilib ki, ticarət dövriyyəsinin 32,6 faizini ərzaq məhsulları, 10,7 faizini içkilər və tütün məmulatları, 11,8 faizini əczaçılıq məhsulları və tibbi ləvazimatlar, 9,2 faizini toxuculuq məhsulları, geyim və ayaqqabılar, 5,6 faizini avtomobil benzini və dizel yanacağı, 1,7 faizini kompüterlər, telekommunikasiya avadanlıqları və çap məhsulları, 1,1 faizini elektrik malları və mebellər, 27,3 faizini isə digər qeyri-ərzaq malları təşkil edib.
Bölmənin digər xəbərləri
