Tramp Çinə səfərə yola düşüb
Vaşinqton, 12 may, AZƏRTAC
ABŞ Prezidenti Donald Tramp Çinə səfərə yola düşüb.
AZƏRTAC-ın məlumatına görə, onu səfər zamanı Dövlət katibi Marko Rubio, Müdafiə katibi Pit Heqset, Xəzinədarlıq katibi Skott Bessent və digər dövlət rəsmiləri müşayiət edirlər.
Prezident Tramp səfər zamanı Tayvan və Çinin İranla münasibətləri mövzularında danışıqlar aparacaq. 14 və 15 mayda Pekində o, Çin lideri Si Cinpinlə görüşəcək.
Bu, Trampın prezident kimi Çinə ikinci səfəri olacaq və sonuncu dəfə o, 2017-ci ildə Çinə səfər edib.
ABŞ-nin 16 böyük şirkətinin baş icraçı direktorları, o cümlədən “Tesla” şirkətinin rəhbəri İlon Mask və “Apple” şirkətinin rəhbəri Tim Kuk səfərdə Trampa qoşulacaqlar.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
