Tramp: Qəzzada müharibə başa çatıb
Vaşinqton, 13 oktyabr, AZƏRTAC
“Qəzzada müharibə başa çatıb”. AZƏRTAC-ın məlumatına görə, bu sözləri ABŞ Prezidenti Donald Tramp İsrailə səfəri zamanı təyyarədə jurnalistlərə açıqlamasında deyib. O, Yaxın Şərqdə vəziyyətin normallaşacağını bildirib.
Tramp İsrail və HƏMAS arasında atəşkəs razılaşmasının qüvvədə qalacağına inandığını qeyd edərək, insanların müharibədən yorulduqlarını vurğulayıb.
“Mənə çoxlu şifahi zəmanətlər verilib və inanıram ki, onlara çox güclü şəkildə əməl olunacaq. Bunun gerçəkləşəcəyini düşünürəm”, - deyə Tramp əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
