TÜRKİYƏ XARİCİLƏRİ CƏLB EDİR
AZƏRTAC-ın xüsusi müxbiri Ankaradan xəbər verir ki, dörd dənizlə əhatə olunmuş Türkiyənin füsunkar mənzərəsi, mülayim iqlimi, zəngin tarixi xarici vətəndaşları bu ölkəyə cəlb edir. Mülkiyyət idarəsinin yaydığı statistik məlumata görə, 68 ölkədən 44740 əcnəbi Türkiyədə ümumi sahəsi 273 milyon 408 min 392 kvadratmetr olan ev və mülklər almışdır. Ev və mülk alan xaricilərin arasında Yunanıstan və Almaniya vətəndaşları ilk sıralardadır və xaricilərin 44,2 faizi İstanbul və Antalya şəhərlərinə üstünlük verir. 2003-cü il iyulun 19-da Türkiyə Böyük Millət Məclisi Avropa qanunlarına uyğunluq məqsədi ilə, ölkənin mövcud qanunlarında bəzi dəyişikliklər etmişdir. Bu dəyişikliklər nəticəsində xarici vətəndaşların Türkiyədə ev və mülk almaq hüquqları genişləndirilmişdir.
Bölmənin digər xəbərləri
