TUŞİNODA TERROR AKTI
İyulun 5-də Moskvada saat 15.00 radələrində Tuşino aerodromunda terror aktı törədilmişdir. Rusiya Daxili İşlər Nazirliyinin ilkin məlumatına görə, bunun nəticəsində 16 nəfər həlak olmuş və 20-dən çox adam yaralanmışdır. Xəsarət alanların hamısı xəstəxanalara aparılmışdır. Rok musiqisi festivalı keçirilməli olan və 40 minədək adamın toplaşdığı Tuşino aerodromunun girəcəyində iki çeçen kamikadze qadın bədənlərinə bağladığı partlayıcı qurğunu işə salmışdır. Aerodromun həndəvərində milisin bu partlayıcı qurğuları sezməsi ilə terrorçuların onları işə salması bir olmuşdur. Qadınlardan birinin şəxsiyyəti müəyyən edilmişdir. Üstündən tapılmış pasportda onun Çeçenistan sakini olduğu göstərilir. Faktla əlaqədar cinayət işi qaldırılmışdır. Moskva şəhəri və vilayətinin bütün hüquq-mühafizə orqanları fövqəladə rejimdə işləyirlər.
Bölmənin digər xəbərləri
