“Uber” 3300 nəfəri işdən çıxaracaq
Bakı, 2 sentyabr, AZƏRTAC
“Uber Technologies” şirkəti restrukturizasiya çərçivəsində qlobal işçi qüvvəsinin təxminən 10 faizini təşkil edən 3300 nəfəri işdən çıxarır.
AZƏRTAC xarici mediaya istinadla xəbər verir ki, şirkətin baş icraçı direktor Dara Xosrovşahi işdən çıxarılmaları və restrukturizasiyanı elektron poçt vasitəsilə elan edib. O bildirib ki, şirkət daxilində menecerlərin sayı 20 faiz azalacaq və bəzi menecerlər fərdi işçi vəzifələrinə keçəcək. Lakin şirkət menecerlərin neçə faizinin işdən çıxarılacağını dəqiqləşdirməyib. İxtisarlar, həmçinin qeyri-idarəetmə işçilərini də əhatə edir.
Dara Xosrovşahi deyib ki, “Uber”i daha sadə və sürətli etmək üçün yalnız bir və ya iki üzvdən ibarət komandaların sayı təxminən yarıya endirilib. Həmçinin aşağı səviyyəli vəzifələrdəki işçilərin sayı da azalıb. Şirkət, həmçinin restoranlar, pərakəndə satış və çatdırılma xidmətləri üçün üç əməliyyat qrupunu birləşdirərək əsas mühəndislik, elm və çatdırılma qruplarını yenidən qurub.
Bundan əlavə, “Uber” hazırda işçilərinin yalnız təxminən 1 faizinin uzaqdan işləməsini tələb edir.
Bölmənin digər xəbərləri
