Ucarda bədbəxt hadisə baş verib
Ucar, 7 iyul, AZƏRTAC
Ucar rayonunda ölümlə nəticələnən bədbəxt hadisə baş verib.
AZƏRTAC-ın bölgə müxbiri xəbər verir ki, hadisə ötən axşam rayonun Müsüslü kəndində olub. Belə ki, kənd sakini, 1976-cı il təvəllüdlü Natiq Kamil oğlu Ağayevi elektrik cərəyanı vurub və o, dünyasını dəyişib. Məlumata görə, 3 uşaq atası olan N.Ağayev su nasosu ilə həyətyanı sahəsini suvarmaq istəyib. Nasazlıq olub, nasosun naqillərini düzəltmək istəyərkən ehtiyatsız davranıb və onu elektrik cərəyanı vurub.
Hadisə ilə bağlı araşdırma aparılır.
Bölmənin digər xəbərləri
