ÜÇ ƏSRİN ŞAHİDLƏRİ İLƏ GÖRÜŞ
Mingəçevirdə yaşı yüzü ili ötmüş şəhər sakinləri ilə görüş keçirilmişdir. Mingəçevirdə məskunlaşmış uzunömürlü məcburi köçkünlər də görüşdə iştirak etmişlər.
Görüşdə Azərbaycan vətəndaşlarının, xüsusən ahilların sosial müdafiəsinə göstərilən qayğıdan, bu istiqamətdə həyata keçirilən dövlət tədbirlərindən danışılmış, respublika Prezidenti Heydər Əliyevin bu məsələlərə xüsusi əhəmiyyət verməsi vurğulanmışdır. Qeyd olunmuşdur ki, yüzdən artıq yaşı olan şəhər sakinlərinin maddi vəziyyətinin, mənzil-məişət şəraitinin və onlara göstərilən tibbi xidmətin yaxşılaşdırılması üçün konkret tədbirlər görülmüşdür.
Görüşdə 103-124 yaşlı 14 nəfərə paltar və ərzaq məhsullarından ibarət bağlamalar təqdim olunmuşdur. İcra hakimiyyətinin nümayəndələri və səhiyyə işçiləri səhhəti ilə əlaqədar tədbirdə iştirak edə bilməyən 7 nəfər uzunömürlünün evlərinə getmiş, onlara da hədiyyələr çatdırmışlar.
Tariximizin faciələrlə dolu son üç əsrinin canlı şahidləri suverenliyinə və dövlət müstəqilliyinə qovuşmuş Azərbaycanımızda yaşamaqdan məmnun olduqlarını bildirmiş, Prezident Heydər Əliyevə xalqımızın rifahı naminə uzun ömür və möhkəm cansağlığı arzulamış, işğal altında olan torpaqlarımızın düşməndən tezlikıə təmizlənməsini arzulamışlar.
Bölmənin digər xəbərləri
