UKRAYNA BEYNƏLXALQ VASİTƏÇİLƏRİ CƏLB ETMƏMƏLİDİR
AZƏRTAC Ukrinforma istinadla xəbər verir ki, Ukrayna daxili ziddiyyətləri aradan qaldırmaq üçün beynəlxalq vasitəçiləri cəlb etməməlidir. Bunu ABŞ-da rəsmi səfərdə olan Ukraynanın iqtisadiyyat naziri Anatoli Kinax bildirmişdir.
ABŞ dövlət katibinin Avropa və Avrasiya məsələləri üzrə müavini Daniyel Frid ilə görüşündən sonra Ukrayna naziri KİV nümayəndələrinə demişdir: “Mən daxili problemlərimizin bu və ya digər vasitəçinin köməyi ilə həll edilməsinin əleyhinəyəm. Bizə vəziyyətdən çıxış yolunu necə tapmağı məsləhət görə, şəxsi təcrübələri ilə bölüşə bilərlər, ancaq nə Vaşinqton, nə Moskva, nə də Brüssel problemlərimizi bizim əvəzimizə həll edə bilməz”. O vurğulamışdır ki, ABŞ hökumətinin nümayəndələri ilə görüş zamanı Ukraynada siyasi münaqişənin həllində vasitəçilik təklif edilməmişdir.
Bölmənin digər xəbərləri
