UKRAYNA PAYTAXTI ÖZÜNƏ MER SEÇİR
AZƏRTAC-ın xüsusi müxbiri xəbər verir ki, mayın 25-də Kiyevdə şəhər merinin və şəhər soveti deputatlarının növbədənkənar seçkiləri keçirilmişdir. Ərazi seçki komissiyasının məlumatına görə, paytaxtda 1024 məntəqə seçki komissiyasının hamısı səhər saat 7-də işə başlamış və saat 22-də bağlanmışdır. Kiyev meri vəzifəsinə iddiaçıların siyahısına 70 namizədin adı daxil edilmişdi. Mer kürsüsü uğrunda indiki şəhər başçısı Leonid Çernovetski, onun sələfi Aleksandr Omelçenko, Baş nazirin müavini, Yuliya Timoşenko Blokundan namizəd Aleksandr Turçinov, boksçu və siyasətçi Vitali Kliçko, müxtəlif siyasi qüvvələrin nümayəndələri - Regionlar Partiyasının nümayəndəsi Vasili Qorbal, Litvin Blokunu təmsil edən Viktor Pilipişin və başqaları mübarizə aparmışlar.
Bölmənin digər xəbərləri
