UKRAYNA PREZİDENTİ İRAQA GETMİŞDİR
V.Yuşşenko həmvətənlərinin gördükləri işlərin nəticələrinə baxmaq və “Delta”nı tərk edən Ukrayna hərbçiləri kəşfiyyat rotasının sonuncu dəstəsinin oradan çıxarılmasına hazırlığı yoxlamaq niyyətindədir. Onun Ukrayna hərbi texnikası və əsgəri təchizatının İraq ordusuna verilməsi mərasimində də iştirakı nəzərdə tutulmuşdur. Bağdadda dövlət başçısı İraqın Baş naziri İbrahim əl-Cəfəri ilə görüşəcək və onu Ukraynaya dəvət edəcəkdir. Görüşdə iki ölkə arasında iqtisadi əməkdaşlığın əsas istiqamətləri, Ukraynanın İraqın bərpasında, o cümlədən neft sahəsinin inkişafı və dirçəldilməsində, Kərkükdən Türkiyənin Trabzon şəhərinə neft kəməri çəkilməsində iştirakı məsələləri müzakirə olunacaqdır.
Səfərdə Prezidenti Milli Təhlükəsizlik və Müdafiə Şurasının katibi Anatoli Kinax, müdafiə naziri Anatoli Qritsenko, Təhlükəsizlik Xidmətinin sədri İqor Drijçanı və başqa rəsmi şəxslər müşayiət edirlər.
Bölmənin digər xəbərləri
