UKRAYNA XİN TƏKZİB EDİR

13.01.2006 [21:20]
Çap et
A⁺ A^-

Yalta mayakının ələ keçirilməsi haqqında bütün bəyanatlar qəsdən uydurulmuş dezinformasiyadır, çünki Yalta dəniz ticarət limanının mayakı Ukraynanın mülkiyyətidir. AZƏRTAC Ukrinforma istinadla xəbər verir ki, bunu Ukrayna XİN-in rəsmi nümayəndəsi Vasili Filipçuk bəyan etmişdir. Bu bəyanatı o, Rusiyanın Qara dəniz donanması hidroqrafik xidmətinin KİV-lərdə yayılmış belə bir xəbəri ilə əlaqədar vermişdir ki, guya “Ukraynanın hakimiyyət orqanları Yalta mayakını ələ keçirmişlər”.

Bununla əlaqədar Ukrayna XİN-in nümayəndəsi xatırlatmışdır ki, RF Qara dəniz donanmasının Ukrayna ərazisində müvəqqəti olması qaydalarını tənzimləyən baza sazişlərində naviqasiya-hidroqrafiya təminatı obyektlərinin RF Qara dəniz donanmasına icarəyə verilməsi nəzərdə tutulmur. Yəni, Yalta dəniz ticarət limanı da daxil olmaqla, bütün belə obyektlər Ukrayna mülkiyyətidir.

Filipçuk həmçinin nəzərə çarpdırmışdır ki, beynəlxalq hüquqa uyğun olaraq, Ukrayna öz ərazi sularında gəmiçiliyin təhlükəsizliyinə görə məsuliyyət daşıyır. O demişdir ki, hazırda gəmiçiliyin təhlükəsizliyinin naviqasiya-hidroqrafik təminatı obyektlərinin idarə edilməsini Ukrayna Nəqliyyat və Rabitə Nazirliyinin “Derjihidroqrafiya” Dövlət müəssisəsi həyata keçirir. Onunla Yalta dəniz ticarət limanı arasında mayakın saxlanması haqqında razılaşma var.

UKRAYNA XİN TƏKZİB EDİR

MÜƏLLİFLƏ ƏLAQƏ

Bölmənin digər xəbərləri