UKRAYNADA PARLAMENT BÖHRANI SƏNGİMİR
AZƏRTAC xarici informasiya agentliklərinə istinadla xəbər verir ki, Ukraynada başlanmış parlament böhranı sakitləşmək bilmir. Ukrayna Prezidenti Viktor Yuşşenko fəaliyyətdə olan parlamentin buraxılması və yeni seçkilərin keçirilməsi barədə fərman imzaladıqdan sonra böhran yeni inkişaf mərhələsinə qədəm qoymuşdur.
Məsələ bundadır ki, oktyabrın 11-də növbədənkənar parlament seçkiləri üzrə yeni seçki kampaniyası start götürməlidir. Lakin onun maliyyələşdirilməsi məsələsi hələ də açıq qalır. Ukrayna MSK-nın katibi T.Lukaşın sözlərinə görə, seçkilərə təxminən 80 milyon dollar vəsait tələb olunur. Özü də bu vəsait dərhal ayrılmalıdır.
Böhranın yaranmasında heç də az rol oynamayan və növbədənkənar seçkilərə qarşı çıxış edən Yuliya Timoşenko Bloku isə MSK-nın büdcə sifarişini təsdiq etməli olan parlamentin işinə əngəl törədir. Oktyabrın 10-da Ukrayna Ali Radası hər hansı qərar, o cümlədən həmin məsələ ilə bağlı qərar qəbul etmədən iclasını bağlamalı olmuşdur.
Bölmənin digər xəbərləri
