UKRAYNADA SİYASİ BÖHRAN BAŞA ÇATIR
Beləliklə, Yuşşenkonun dediyi kimi, parlamentin buraxılması məsələsi gündəlikdən çıxarıldı.
Prezident vurğulamışdır ki, onun qəbul etdiyi qərar Ukraynanın birliyi məramına əsaslanır. O, siyasi qüvvələri “siyasi mübarizə rejimindən çıxmağa və Ukraynanı birləşdirməyə” çağırmışdır.
Xatırladaq ki, parlamentdə yaradılmış Regionlar Partiyasından, Sosialist və Kommunist partiyalarından ibarət antiböhran koalisiyası Yanukoviçi baş nazir vəzifəsinə iyulun 18-də namizəd göstərmişdi.
Ukrayna Konstitusiyasına görə, Prezident Baş nazirin namizədliyini parlamentə 15 gün müddətində təqdim edir. Bu müddət avqustun 3-nə keçən gecə bitmişdir. Prezident ona təklif olunan namizədi parlamentə təqdim etmədikdə, Konstitusiyaya əsasən, Ali Radanı buraxmaq və vaxtından əvvəl parlament seçkiləri keçirilməsini elan etmək hüququ alır.
Bölmənin digər xəbərləri
